ونعم مسؤولات الامن يا مجمع الظهران

[دَعْآنِيـے اڸشِـِوْقـِ]

حادثه ان دلت فهي تدل على صغر عقل و تفاهة و فراغة و تنااقض شديد

من مسؤولات الامن

LOW شوشو الـ

الرموش يوقف عليها الصقر << بحسن الظن و بقول ما تعرف وش يعني مسكره
لاول وهله ومع الخداع النقابي تقولون بيضااء
بس يوم تحمست بالردح عند البوابه و قدام خلق الله شمرت عن ساعديها و اكتشفنا الواقع المرير ترم ترم
>> ملاحظه : يسمعوون بأن الصوت عورة


سايلنت:

هذي طال عمركم حاطينها على الصامت هزاز << و ركزوا على كلمة هزاز
لابسه عباااااة ضييقه ما تقد لأختي الصغيره ومعالم الجسم ماشالله انعم و اكرم ... كيف تسمح لنفسها تكون بمقام الناصحه بالمظهر هذا !!! عشنا و شفنا

والسوبرفايزر :

هذي عااد الذوووق كله
بس اذا طلبتوا فاونديشين ( كريم اساس ) من اي محل و قالولكم خلص ترى مو هي


وفي رابعه اخذت دور الكومبارس و بنسميها (ام قطات )

هذي عاااد وخروا عنها قويه ترى بنتها بلغت و عمرها 12
وترى الي يبي فتوى ولا شي يروح لها لا يتردد تعطيكم حلول مرضيه لجميع الاطراف
يعني عندها المكلفه الي عمرها 22 سنه يلعن اوم الافتلال ما علي ذنب الا لما اعدي الـ 22<< مدري وين دارسه بس الي فهمته ان اليوم معيده


الحدث


بنتين او بالأحرى طفلتين 12 سنه و 13 سنه و غير مكلفاات

وماله داعي اعرف لكم البنت المكلفه شرعا الا الي ثقافته قليله مثل الثلاثي المرح تكرمون

بس اشباعا لفضول القراء و ارضاء لجميع طبقات المستوى الفكري بنعرف لكم المكلفه

البنت المكلفه طال عمركم مثل بنت ام قطات يوم صار عمرها 12

سووا فوضى و زحمة و قلق في السوق

ومنعوا البنتين من الخروج من المجمع و بلغوا السكيورتيه و اصطحبووهم لمكتب الامن

وكانوا يبون يوصلونها للهيئه

لييييييييييييييه ؟؟

قولوا لييييييييييه ؟؟
لان البنتين قاعدين يطامرون فوق الكراسي بسباركيز

تعريف سباركيز : مكان مخصص للعب الاطفااااال وحطوا تحت لعب خطين

التهمه الي دبسوها فيهم : الرقص و الغناء في ممرات المجمع << والله لو فيفي عبدو

كلام ما يخش العقل بس الظاهر اليوم فاضيين و فيهم حرش << الله اعلم مين لاعن خيرهم في بيوتهم وقالوا نتفشش ببنات الناس

حسبي الله عليهم بنتين في حالهم حولوا الانظار عليهم كأنهم مطلعينهم من بيت دعارة و عيون الناس تتكلم ومحد يقدر يلومهم انا لو شفت المنظر بفكر مثلهم

مقاطع ومشاهد من الحدث


مشهد رقم 1

في الطريق الى المكتب

شوشو و سايلنت مدرعمين قدام و جارين سكيورتي ورى البنات << ملاحظه سكيورتي محترم ما يكلم اولياء امور بالجوال

الاخت : طيب البنات وش مسوين

شوشو : ماني متكلمممممممممممه امشوا قدامي ونتفاهم عند الامن << حتى سعابيلها طلعت

الاخت :طيب خذي الجوال ولي امري يبي يكلمك

شوشو :ما عندي خلفيه عن الموضوع ومابي اكلم احد

شوشو تأشر للسكيرتي بكل اخلاق وذوق انت ويين يالحبيب قاط معنا امش ورانا اشوف

الاخت تاشر للسكيوريتي كلم ولي امري

السكيورتي: لا لا ما اكلم بنات << اول شي كثر منها ثاني شي ينعن شكلك ابوي بنت يا بنت ولا مخك بسلامته لقط الكلمه غلط



مشهد رقم 2

داخل مكتب الامن في (دورات مياه النساء) تكرمون قدام بوابه 2 << والله الي منقعكم هناك عارفلكم يسلم راسه

شوشو رادحتن : شفتييييييي يترقصووون و يغنوون انااا بعيوووني شايفتهم <<يوم انك شايفتهم ليه تقولين ما عندي خلفيه ترى ما نعض والله

السوبرفايزر : انتوا ما تستحون تترقصون قدام الشباب

البنتين بكل براءه : والله ما رقصصصصصصنا !! وش السالفه

شوشو : اصلا ذوول قاطين هنا انا كل يوم اشوفهم << ابووك يالنصب بنات الرياض ذول تشوفينهم مع وين

السوبرفايزر : توقعوون تعهداات الحين باسماءكم ولا تتحولون للهيئه

البنات : مانبي ما سوينا شي اتصلوا على ابونا

شوشو : ترى فيديو مسججججل رقصكم تبون تشوفون << هي قالتها وبلعت العافيه حست انها استعجلت شوي

البنت 1 بكل ثقه : اييييييه نبي نشووف الفيديو << ذي البنت بالذات والله اصدق ان بوش اسلم ولا اصدق انها رقصت

السوبرفايزر بالعه العافيه : الفيديو عند الرجال هذي امور رجال اطلعوا تفاهموا معهم << يقالها بتصعبها

<< ومناك يتغامزون و يتضاحكون كنهم متورطين




مشهد رقم 3

البنت 2 تطالع اختها الكبيره و فيها الصيحه تبي حمام الله يعزكم
اختها : لو سمحتي في حمام هنا
السوبرفايزر : ايه
الاخت : البنت تبي لو سمحتي
السوبرفايزر : لااا ممنوع يطلعون من هنا << والله لو جريمة قتل ودوهم
البنت جلست تصييييح لين خلصوا غمز و لمز و قرروا يطلعون معها وحده للحمامات كنها ارهابيه
حسبييييييي الله علييييييهم



مشهد رقم 4

بعد ما اتصلوا البنات بأبوهم الي كان في اجتماع عمل مهم قالهم وقعوا التعهدات وانا لي تصرف ثاني مع هذول الحثاله << جعلك تسلم يا ابوهم
البنتين بكل براءة : خلاص بنوقع
السوبرفايزر باستهزاء : الحممدلله يوم انكم بالأخير وقعتوا كان ما اخرتونا ولا اخرتوا انفسكم
الاخت : معليه والله بس الظاهر انكم زهقانين اليوم وحبينا نسليكم
شوشو بكل عربجه تعطيهم الاوراق : يالله اكتبوا مثل ما اقولكم
نتعهد نحن ................اننا لا نعاود كرة الرقص والغناء في ممرات المجمع <
الاخت وهي واثقه ان وحده من خوتها ما تعرف ترقص وان الرقص في وادي وهي في وادي: انتي لا تكتبين رقص اكتبي غناء و بس
شوشو : انتي بتعلميني شغلي .. وتكمل تمليه للتعهد واني ملزمة بكاافة
البنت بكل سذاجه : كيف تنكتب كافة .؟
شووشو شوي وتلحطها : تاااااااء مربوووطه


مشهد رقم 5

البنت 2 كتبت اسمها على الورقه
الكومبارس ام قطات : لا لااااا مب ذا اسمها
الاخت : يعني انتي تعرفين اسمها اكثر منها
شوشو تدف يد خويتها الي طاح وجهها : الا الا اسمها
البنت 2 ممكن اروح حمام ؟
ام قطات : انتي كل شوي حمام وش (عندش)؟ << ما بقى الا بالحمام الله يعزكم يحارشون طفله
الاخت : شدخلللك ؟؟ مو التعهد عندك لا تكلمينها ولا كلمه
شوشو تسأل البنت 1 : وش جنسيتك ؟ << ينعن شكلها كل ذا الحكي النجدي وش جنسيتها
البنت بغبنه : يمنيه .. يعني انتي وش شايفه
البنت 2 : و انا وشوو؟
البنت 1 : سيرلنكيه
شوشو : يستهزِؤون بعد مو هامهم
شوشو تكمل تمليهم ... واني اوقع ( بالعاميه ) بعدين عدلتها اوقققع ( بالفصحى )
البنت 1: طيب اوقع ولا اوقققع حددي << والله زين منها ما سوت اكثر من كذا
شوشو تمسك ابهام البنت 2 و تبصمها : لا وبعد اصبعك مجرووح < احلفي تكفين لا تسوين تعهد ثاني المره الجايه نخليهم يحطون مناكير



مشهد رقم 6

السوبرفايزر وام قطات : يعني انتوا ما تعرفون ان الاغااني حراام يعني يوم انكم بتغنون و بتسوون حرام سووه في بيوتكم

ويقطع هذا الحوار جوال السوبرفايزر الي نغمته مو اغنيه ابد ولا هشك بشك ابدددن بتاتا البته
الاخت : ضحكت باستهزاء على الموقف المحرج : يقولون الاغاني حرام
شوشو تغمز للسوبرفايزر

لحظة صمت بعد الموقف المحرج

شوشو بكل استهزاء : لااا و ذا السكيورتي الخبل يمشي جنبي موو صاحي قسسم جديد و غبي ما يدري وش الدنيا
الاخت : استغفر الللله العظيم << يعني الاغاني حرام بس نغتاب عبيد ربي و نقول خبل و غبي يجوز
البنت 1وهي طالعه : لو سمحتي ابي نسخه من التعهد << طلب من ولي امرها عشان يعرف يشرشحهم صح
السوبرفايزر: لا لا لا ممنوع ممنوع اشياء سريه

طبعا اكيد تتساءلون سايلنت وين مختفيه ؟؟
الله يسلمكم ام قطات قاعده تسمعهاا اغاني بجوالها << ناويه تغير نغمه وتشيل السايلنت

وفكووا اسر البنتين الي كرهوا الظهران مول وكرهوا شي اسمه هيئه وكرهوا ذا الحثاله القروو
الي تاركين كل البلاوي اللي تصير بالعلن و بكل بجاحه و حطوا عقلهم بعقل طفلتين عشان ايش عشانهم يغنون و يطامرون فوق الكراسي

للعلم الحثاااله هذول جبنا اسماااءهم وحده وحده لكن الستر زين
واذا هم سوا علينا قلق وخلوا عيون خلق الله علينا احنا احسسن منهم

واحنا ما علمناكم بالقصه شماته فيهم او تشويه لسمعتهم والدليل اننا ما ذكرنا اسماءهم

كل الهدف نبيييكم تحذرون منهم مو بعيده تكونون جالسين تتقضون و في حالكم فجأة تصيرون متهمين بالزنا

وطالبتكم كل الي يقرا الموضوع هذا يتحسب عليهم

ساااااعه كامله والبنتين موقوفات في المكتب << كان زين لو قدرتوا على الي قاعدين يتواعدون علنا و محد هامهم مثل ما قدرتوا على هالبنتين الصغاار

كل ما اذكر الخوف و الدموع بعيون الطفلتين اقول حسبييييي الله ونعم الوكيل فيهم حسبي الله ونعم الوكيل فييهم

و نعم الادارة ونعم الامن يا مجمع الظهران

ملاحظه : قبل لحد يقب ولا يعصب

احنا ما نقول اننا كاملين لا...مافي احد خالي والله يهدي الجميع
بس الفررق اننا ما نسوي مشاايخ واحنا الله بالخير



اتمنى اشووف ارآكم بالقضيه


:confused::confused::confused:

[عنود الصيد]

يعطيك العافيه